Универзитетот Корнел (Cornell University) е еден од најпрестижните приватни истражувачки универзитети во светот и член на елитната лига Ivy League. Се наоѓа во градот Итака (Ithaca), во сојузната држава Њујорк, САД. Ivy League е назив за група од осум приватни истражувачки универзитети во североисточниот дел на САД кои важат за едни од најпрестижните, најселективните и академски најсилните универзитети во светот (Harvard University, Yale University, University of Pennsylvania, Princeton University, Columbia University, Brown University, Dartmouth College и Cornell University).
Универзитетот е основан во 1865 година од бизнисменот и филантроп Езра Корнел (Ezra Cornell, 1807–1874) и сенаторот Ендру Диксон Вајт (Andrew Dickson White). Корнел, кој своето богатство го стекнал како пионер во телеграфската индустрија и коосновач на познатата компанија Western Union, ги донирал почетните средства и сопственото земјиште за изградба на овој академски центар.
Универзитетот е организиран во повеќе колеџи и школи, а меѓу најпознатите се: Колеџ за земјоделство и животни науки (CALS), Колеџ за инженерство (Cornell Engineering), Школа за бизнис (SC Johnson College of Business) и Hotel Administration, Колеџ за ветеринарна медицина, Медицинскиот факултет ( Weill Cornell Medicine) и кампус кој се наоѓа во Менхетен, Њујорк и Колеџот за технологија и претприемништво ( Cornell Tech).
Корнел располага со огромен буџет за истражување и развој. Познат е по врвните лаборатории по генетика, молекуларна биологија, нанотехнологија, компјутерски науки и аграрни истражувања. Неговите истражувачи дале клучен придонес во развојот на модерниот земјоделски сектор, заштитата на растенијата и биотехнологијата.
Со Корнел се поврзани над 60 Нобеловци (како професори или студенти), како и бројни добитници на Тјуринговата награда и Пулицерови награди.
Колеџот за земјоделство и животни науки (Cornell CALS - College of Agriculture and Life Sciences) е вториот по големина колеџ на Универзитетот Корнел и е еден од водечките светски центри за земјоделски науки, фитопатологија, биотехнологија и екологија. CALS има единствена структура во рамките на Ivy League. Иако е дел од приватен универзитет, тој функционира како државно поддржан (statutory) колеџ во партнерство со сојузната држава Њујорк. Овој статутарно-правен модел му овозможува да го комбинира ресурсното богатство на елитен приватен факултет со јавната мисија за земјоделски развој и применети истражувања (Land-Grant статус).Колеџот опфаќа над 20 катедри и истражувачки дивизии, но посебно се истакнува во следниве области:
School of Integrative Plant Science (SIPS): Каде што спаѓа еден од најстарите и најреномираните оддели во светот за болести кај растенијата, молекуларна фитопатологија, фунгицидна отпорност и епидемиологија на фитопатогените габи.
Horticulture & Plant Breeding and Genetics: Истражувањата во овој оддел се фокусирани на генетски проучувања, селекција и оплеменување на овоштарски, лозарски и градинарски култури.
Plant Biology & Soil and Crop Sciences: Оваа катедра се занимава со педолошки (почвени) истражувања и истовремено врши спој со физиолошкиот и генетскиот капацитет на земјоделските култури кои треба да се одгледуваат на соодветниот тип почва.
Entomology: Одделот за ентомологија е светски позната катедра за проучување на инсектите, векторите на болести и интегралната заштита на растенијата (IPM).
Food Science: Катедра посветена на развој на прехранбената технологија, безбедноста на храната и ферментациските процеси.
Biological and Environmental Engineering (BEE): Оддел кој врши спој на инженерството, прецизното земјоделство и сензорските системи за климатски мониторинг.
Она што ја прави оваа институција од елитното друштво Ivy League препознатлива на глобално ниво е нејзиниот систем за пренос на знаење — Cornell Cooperative Extension (CCE). Оваа мрежа служи како мост меѓу лабораториските истражувања и реалното земјоделско производство. Оваа служба е основана врз Land-Grant концептот (со законскиот акт Smith-Lever Act од 1914 година) со цел сите научни откритија, лабораториски истражувања и нови технологии од универзитетот да не останат само на хартија, туку веднаш да се применат во пракса.Всушност CCE претставува партнерство меѓу федералната влада на САД, државата Њујорк, окружните власти и Универзитетот Корнел (преку колеџите CALS и Human Ecology). Иако Cornell Cooperative Extension (CCE) покрива и теми како младински програми (4-H), преку кои младите ги презентираат своите научни или уметнички достигнувања пред стручни комисии и добиваат стипендии, нејзиното примарно јадро останува комерцијалното земјоделство и заштитата на културите. Наместо земјоделците сами да претпоставуваат со кој растителен патоген се соочуваат или кој пестицид да го употребат, тие добиваат научно потврдени информации од универзитетско ниво кои им помагаат да ги зачуваат приносите и да ги намалат производствените трошоци преку веќе потврдените дијагностички лаборатории (Plant Disease Diagnostic Clinics).Понатаму CCE развива и промовира програми за IPM (Integrated Pest Management) со цел да се намали употребата на пестициди, за да се спречи појавата на отпорност (резистенција) кон пестицидите и да се оптимизираат термините за хемиски третман. Преку платформата NEWA (Network for Environment and Weather Applications), CCE користи податоци од метеоролошки станици за да им даде на лозарите и овоштарите точни прогнози за ризикот од инфекции.
Иако CCE примарно им служи на земјоделците во државата Њујорк, таа ги прифаќа и странските студенти преку универзитетската платформа Cornell Global Hubs кои според нивото на образование имаат различни статуси:
Visiting Fellows & Visiting Scientists (За истражувачи и професори) е наменета за академици, истражувачи или специјалисти кои веќе имаат завршено магистерски/докторски студии или работат во матичната институција и престојуваат од неколку месеци до една година.
Student Interns & Visiting Researchers (За студенти на постдипломски студии) е наменета за магистранти или докторанти кои се запишани на универзитет надвор од САД и сакаат дел од своето истражување да го спроведат на Корнел.
International Research Internship Program (IRIP) претставува формална програма за странски студенти без стекнат степен на Корнел (non-degree students) кои доаѓаат на одреден период за истражувачка пракса во лабораториите и експерименталните станици (како Cornell AgriTech во Женева, NY).
Со спојувањето на елитната истражувачка инфраструктура на Ivy League и теренската мисија за поддршка на производителите, Универзитетот Корнел поставува златен стандард за трансфер на технологија во агрономијата. Преку програмите за меѓународна размена и истражувачки престој, овој систем продолжува да врши силно влијание врз развојот на фитопатологијата и интегралната заштита на растенијата не само во САД, туку и на глобално ниво.
